fbpx
Þriðjudagur 20.apríl 2021
433Sport

Tileinkaði mark sitt Ronaldinho og fjölskyldu en móðir hans lést á dögunum eftir baráttu við Covid-19

Aron Guðmundsson
Þriðjudaginn 23. febrúar 2021 20:30

/ GettyImages

Ekki missa af Helstu tíðindum dagsins í pósthólfið þitt

Lesa nánar

Leeds United tók á móti Southampton í ensku úrvalsdeildinni í kvöld. Leikurinn endaði með 3-0 sigri Leeds en leikið var á Elland Road, heimavelli liðsins.

Það var hinn brasilíski Raphinha sem innsiglaði 3-0 sigur Leeds með marki á 84. mínútu. Hann fagnaði með því að tileinka mark sitt samlanda sínum Ronaldinho og fjölskyldu hans. Móðir Ronaldinho lést á dögunum eftir erfiða baráttu við Covid-19 sjúkdóminn.

Raphinha, hefur áður lýst því yfir í viðtölum að Ronaldinho hafi verið átrúnaðargoð sitt þegar hann var að alast upp.

„Sendi styrk til Asis Moreira fjölskyldunnar. Hvíl í friði Dona Miguelina,“ stóð á bol sem Raphinha klæddist innanundir treyju sinni og sýndi er hann hafði skorað. Hann fagnaði síðan eins og Ronaldinho var vanur að gera.

GettyImages

Dona Miguelina, móðir Ronaldinho, hafði háð erfiða baráttu við Covid-19 sjúkdóminn. Hún hafði verið lögð inn á Mae de Deus spítalann í Porto Alegre í desember og náði sér ekki eftir að hafa greinst með veiruna. .

Ronaldinho er einn dáðasti knattspyrnumaður í sögu Barcelona og lék einnig með liðum á borð við AC Milan, PSG og Atletico Mineiro í heimalandi sínu Brasilíu. Félagið sendi Ronaldinho hjartnæma samúðarkveðju á samfélagsmiðlinum Twitter í dag.

Samúðarkveðjum hefur rignt yfir Ronaldinho en ein af þeim kom frá Lionel Messi. „Ronnie, ég get ekkert sagt. Ég trúi þessu ekki, sendi styrk og stórt faðmlag á þig og alla fjölskylduna. Hvíldu í friði,“ skrifaði Messi til Ronaldinho

Enski boltinn á 433 er í boði
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 7 klukkutímum

Manchester United-goðsögn brjáluð út í félagið

Manchester United-goðsögn brjáluð út í félagið
433Sport
Fyrir 8 klukkutímum

Hræðsla hjá félögum í Ofurdeildinni – Óttast umræðuna og á hvaða vegferð hún er

Hræðsla hjá félögum í Ofurdeildinni – Óttast umræðuna og á hvaða vegferð hún er
433Sport
Fyrir 11 klukkutímum

Klopp í stríð við Gary Neville: „Ég veit ekki af hverju ég bý í hausnum á honum“

Klopp í stríð við Gary Neville: „Ég veit ekki af hverju ég bý í hausnum á honum“
433Sport
Fyrir 12 klukkutímum

Reiknar með að Ofurdeildarliðin verði rekin úr Meistaradeildinni fyrir helgi – Segir samninga leikmanna lausa

Reiknar með að Ofurdeildarliðin verði rekin úr Meistaradeildinni fyrir helgi – Segir samninga leikmanna lausa