Victor Orta, yfirmaður knattspyrnumála hjá Leeds United, var ansi heitt í hamsi eftir 2-2 jafntefli liðsins gegn Brentford í dag.
Tyler Roberts skoraði eina mark fyrri hálfleiks fyrir Leeds á 27. mínútu eftir glæsilegan undirbúning Raphinha.
Shandon Baptiste jafnaði fyrir Brenford á 54. mínútu með marki utarlega í teig heimamanna.
Sergi Canos kom gestunum yfir á 61. mínútu með marki eftir sendingu frá Bryan Mbuemo.
Það stefndi allt í sigur nýliða Brentford en á fimmtu mínútu uppbótartíma kom Patrick Bamford boltanum í netið. Stoðsendinguna átti Luke Ayling.
Eftir leik virtist Orta vera að segja einhverjum í stúkunni að þegja. Hann var alveg hreint brjálaður. Myndband af þessu má sjá hér fyrir neðan.
Passions were running very high for Leeds director Victor Orta at full time 👀 pic.twitter.com/q5TBePZuoU
— Football Daily (@footballdaily) December 5, 2021
