Ralf Ragnick, bráðabirgða knattspyrnustjóri Manchester United, sat fyrir svörum á sínum fyrsta blaðamannafundi hjá félaginu í dag.

Meðal þess sem var borið undir Ragnick frá blaðamönnum voru eilífar umræður um að leikstíll Cristiano Ronaldos, stjörnuleikmanns liðsins, myndi ekki henta þeim leikstíl sem Ragnick vill að sín lið spili eftir.

Ragnick segir þetta af og frá. ,,Maður þarf alltaf að aðlaga sig eftir þeim leikmönnum sem maður hefur hverju sinni. Ég hef ekki séð neinn 36 ára gamlan leikmann í jafn góðu líkamlegu formi og Ronaldo. Þetta snýst hins vegar ekki bara um hann,  við þurfum að þróa leikmannahópinn í heild sinni.

Ronaldo var í banastuði í gær er Manchester United vann 3-2 sigur á Arsenal. Ronaldo skoraði tvö mörk í leiknum.

Ragnick segist hlakka til að stýra Manchester United í fyrsta skipti á sunnudaginn. Hann var í stúkunni á Old Trafford í gær. ,,Maður sé möguleikana í leikmannahópnum.“