West Ham tók á móti Chelsea í fjörugum leik á London Stadium. Leiknum lauk með 3-2 sigri West Ham.
Leikurinn var nokkuð jafn til að byrja með þrátt fyrir að Chelsea var meira í boltann. Thiago Silva braut ísinn á 29. mínútu eftir stoðsendingu frá Mason Mount. Heimamenn fengu vítaspyrnu á 40. mínútu og Manuel Lanzini skoraði örugglega úr henni og jafnaði metin. Mason Mount kórónaði góðan fyrri hálfleik hjá sér með því að koma Chelsea aftur yfir með frábæru marki undir lok fyrir hálfleiks.
Heimamenn byrjuðu seinni hálfleiksinn af krafti og uppskáru á 56. mínútu er Jarrod Bowen jafnaði metin. Þegar allt leit út fyrir að leikurinn myndi enda með jafntefli skoruðu heimamenn ansi fyndið mark. Arthur Masuaku ætlaði að senda boltann fyrir en boltinn tók aðra stefnu og endaði beint í markinu þar sem Mendy var alltof lengi að átta sig.
Chelsea er enn í toppsæti deildarinar með 33 stig en bæði Liverpool og Manchester City geta komist yfir liðið sigri þau sína leiki. West Ham styrkir stöðu sína í 4. sæti með 27 stig.
West Ham 3 – 2 Chelsea
0-1 Thiago Silva (´29)
1-1 Manuel Lanzini (´40)
1-2 Mason Mount (´44)
2-2 Jarrod Bowen (´56)
3-2 Arthur Masuaku (´87)