Cristiano Ronaldo hefur verið í sambandi með Georgina Rodriguez í rúm fimm ár. Þau kynntust er hún vann í fataverslun og samkvæmt Ronaldo var þetta ást við fyrstu sín.
Georgina starfar nú sem fyrirsæta og mun raunveruleikaþáttur um líf hennar koma út í lok árs á Netflix þar sem henni verður fylgt eftir og hún gefur aðdáendum innsýn inn í glamúr líf hennar og knattspyrnustjörnunnar Cristiano Ronaldo.
Í stiklu fyrir þættina sést Georgina ræða við vin sinn sem spyr hvort þau ætli ekki að gifta sig fljótlega.
„Ég vildi óska þess, en þetta er bara ekki undir mér komið,“ svaraði Georgina.
Portúgalskir miðlar halda því þó fram að móðir Ronaldo vilji ekki sjá hann giftast Georginu. Móðir Ronaldo telur að Georgina sé bara á eftir peningunum hans og virðast systkini Ronaldo vera á sama máli.
Þrátt fyrir mótmæli fjölskyldunnar er talið að þau séu trúlofuð en hún hefur sést með stóran hring síðustu mánuði. Parið hefur þó ekki staðfest fregnirnar. Spænskir fjölmiðlar telja að því verði svarað í raunveruleikaþættinum og þar komi einnig fram vísbendingar um brúðkaupið sem margir bíða eftir enda ein stærsta stjarna í knattspyrnuheiminum sem um ræðir.
