Xavi tók nýlega við Barcelona eftir að Ronald Koeman var rekinn frá félaginu. Það styttist í að janúarglugginn opni og ætlar Xavi að versla.
Mundo Deportivo greinir frá því að Barcelona hafi áhuga á því að fá Anthony Martial til félagsins.
Það hefur vantað upp á stöðugleika hjá Martial síðan hann gekk til liðs við Manchester United árið 2015. Hann hefur ekki fengið mörg tækifæri á tímabilinu og hefur aðeins skorað eitt mark á tímabilinu en það kom í jafntefli gegn Everton.
Að því er segir í frétt Mundo Deportivo er Xavi mjög hrifinn af Martial og vill fá hann á lánssamning í janúar
Ralf Rangnick tók nýverið við stjórastöðunni hjá Manchester United og óvíst er hvort hann leyfi Martial að fara.