Hinn 19 ára gamli Adam Ingi Benedikstsson stóð í marki Gautaborgar í 4-0 sigri gegn Östersund í sænsku úrvalsdeildinni í dag.
Lið hans er í níunda sæti deildarinnar með 28 stig þegar ein umferð er eftir.
Þá kom Jóhannes Kristinn Bjarnason inn á sem varamaður í lok leiks Norrköping gegn Degerfors í sömu deild. Jóhannes og félagar töpuðu leiknum 4-1. Þetta var hans fyrsti leikur fyrir Norrköping.
Norrköping er í sjöunda sæti deildarinnar með 44 stig.