Tveimur leikjum er nýlokið í riðlakeppni Meistaradeildar Evrópu.
Í C-riðli tók Besiktas á móti Ajax. Rachid Ghezzal kom heimamönnum yfir á 22. mínútu leiksins. Það reyndist eina mark fyrri hálfleiks.
Sebastian Haller jafnaði metin fyrir Ajax á 54. mínútu. Hann var svo búin að koma Hollendingum yfir stundarfjórðungi síðar. Lokatölur leiksins urðu 1-2.
Ajax er á toppi riðilsins með 15 stig, búið að vinna hann. Dortmund er í öðru sæti með 6 stig, eins og Sporting. Liðin eiga leik til góða og mætast í kvöld. Besiktas er á botni riðilsins án stiga og er fallið úr leik.
Á sama tíma vann Inter Shaktar 2-0 á San Siro. Leikurinn var liður í D-riðli.
Edin Dzeko skoraði bæði mörk Inter með nokkuð stuttu millibili í seinni hálfleik. Það fyrra kom á 61. mínútu og það seinna á 67. mínútu.
Inter er á toppi riðilsins með 10 stig, stigi á undan Real Madrid og 4 stigum á undan Sheriff. Síðastnefndu liðin eiga leik til góða og mætast í kvöld. Shaktar er á botni riðilsins með 1 stig og er fallið úr leik.