Ole Gunnar Solskjær þarf ekki að hafa áhyggjur af peningum á næstunni eftir að hafa misst starf sitt hjá Manchester United í gær.
Solskjær hafði skrifað undir nýjan samning við félagið í sumar en síðan hallaði undan fæti.
Solskjær fær 7,5 miljónir punda í sinn vasa fyrir brottreksturinn um er að ræða tæpan 1,4 milljarð íslenskra króna.
Líklegt er að Solskjær flytji heim til Noregs þar sem hann mun njóta lífsins með fjölskyldu sinni eftir erfiða tíma.
Solskjær var stjóri United í þrjú ár, hann gerði margt gott en gengi liðsins undir restina var það slakt að stjórn United sá engan annan kost í stöðunni en að reka hann.