Manchester United tapaði illa í dag gegn Watford. Pressan er orðin ansi mikil á Solskjaer og verður að teljast líklegt að hann verði rekinn en nú er neyðarfundur hjá stjórninni í gangi. Þessir eru líklegastir til að taka við samkvæmt Betfair.
Zinedine Zidane (8/11)
Zidane hefur verið án félags síðan hann fór frá Real Madrid í sumar. Hann náði frábærum árangri með Real Madrid á sínum tíma og gæti verið spennandi kostur fyrir Manchester United.
Brendan Rodgers (5/2)
Brendan Rodgers hefur verið orðaður við starfið í töluverðan tíma en hann er þjálfari Leicester í dag. Hann var áður þjálfari Liverpool og undir hans stjórn komst Liverpool ansi nálægt því að vinna ensku úrvalsdeildina.
Erik ten Hag (11/1)
Hann er þjálfari Ajax og liðið spilar mjög skemmtilegan bolta um þessar stundir. Liðið hefur skorað 48 mörk á tímabilinu en aðeins fengið á sig sjö.
Mauricio Pochettino (14/1)
Pochettino er nú þjálfari PSG en var áður hjá Tottenham þar sem hann kom liðinu meðal annars í úrslitaleik Meistaradeildarinnar.
Cristiano Ronaldo (25/1)
Já þið lásuð rétt. Betfair er með hann á lista en það verður nú að teljast afar ólíklegt að hann taki við af Solskjaer.
Enski boltinn á 433 er í boði 
