Birkir Már Sævarsson hefur leikið sinn síðasta leik fyrir íslenska landsliðið. Hann staðfesti þetta í viðtali við RÚV eftir leik Íslands gegn Norður-Makedóníu í undankeppni HM 2022 í kvöld. Leikurinn tapaðist 3-1.
Hinn 37 ára gamli Birkir lék 103 A-landsleiki á ferlinum. Hann er þriðji leikjahæsti leikmaður Íslands frá upphafi á eftir þeim Birki Bjarnasyni og Rúnari Kristinssyni.
Í leikjunum 103 skoraði Birkir Már 3 mörk.
Í viðtalinu í kvöld lýsti hann 2-1 sigri gegn Englandi á lokakeppni Evrópumótsins árið 2016 sem eftirminnilegasta augnablikinu.
Leikurinn í kvöld tapaðist sem fyrr segir 3-1. Ezgjan Alioski kom Norður-Makedónum yfir á 7. mínútu.
Jón Dagur Þorsteinsson jafnaði metin fyrir Ísland á 55. mínútu.
Tíu mínútum síðar kom Eljif Elmas heimamönnum yfir að nýju. Hann innsiglaði svo 3-1 sigur á 87. mínútu.
Norður-Makedónar er á leið í umspil um sæti í lokakeppni HM 2022 í Katar.