Jóhannes Karl Guðjónsson þjálfari ÍA er í fríi á Tenerife tíu dögum áður en liðið leikur til bikarúrslita. Frá þessu var sagt í Þungavigtinni í dag.
Samkvæmt heimildum 433.is er Jóhannes væntanlegur til landsins fjórum dögum fyrir úrslitaleikinn gegn Víkingum sem fram fer aðra helgi.
„Ég er með gárunga út um allan heim eins og þið vitið. Mínir menn sáu þjálfara Skagamanna sóla sig á Tenerife í gær. Það er verið að hlaða batteríin fyrir bikarúrslitaleikinn,“ sagði Kristján Óli í Þungavigtinni.
„Hann er þar og annar af starfsmönnum knattspyrnudeildar ÍA er líka í fríi. Það greinilega nóg til eftir að Ísak var seldur. Þeir ætla að vera klárir í bikarleikinn. Jói mætir heltanaður á hliðarlínuna á Laugardalsvelli eftir níu daga,“ sagði Kristján Óli.
Fríið kemur á tímapunkti sem vekur athygli enda eru Skagamenn í dauðafæri á að sækja sér Evrópusæti og fullt af peningum.
„Ég get lofað þér því að Víkingar eru að æfa og Skagamenn eru að æfa líka en bara undir aðstoðarþjálfara og með fjóra menn í 21 árs liðs verkefni. Þetta er ákvörðun sem formaðurinn stendur og fellur með. Mér finnst þetta skrítið og hefði bara viljað frestað ferðinni,“ sagði Kristján Óli.