Benedikt Bóas Hinriksson blaðamaður á Fréttablaðinu gerði marga Akurnesinga reiða með ummælum sínum í lok ágúst. Benedikt var þá gestur í sjónvarpsþætti okkar á Hringbraut.
Staða ÍA í efstu deild karla í knattspyrnu á þeim tíma var ekki góð, allt benti til þess að liðið myndi falla um deild.
„Þegar þeir einbeita sér að fótbolta eru þeir fínir, þeir eru að einbeita sér að einhverju mjög furðulegum hlutum. Ég held að vegferðin sem þeir eru á, árásargirni á bekknum og annað. Það er að koma þeim í koll, það nennir þeim enginn í efstu deild. Drullið ykkur niður,“ sagði Benedikt um ÍA 24 ágúst.
Wow hvað lífið væri leiðinlegt ef maður væri jafn mikill vælukjói og fýlupúki og @benediktboas Reykjavíkur rotta sem greinilega hatar passion. pic.twitter.com/lz9t5EKRs6
— haukur🇮🇸 (@haukurs01) August 25, 2021
Liðið var þá í fallsæti en ótrúleg bæting í úrslitum varð til þess að ÍA hélt sæti sínu. Liðið er nú í bikarúrslitum og með öruggt sæti í deild þeirra bestu. „Skagamenn hoppuðu upp um leið og sætið var tryggt, þeir baunuðu á þig. Viltu biðja þá afsökunar,“ sagði Hörður Snævar Jónsson stjórnandi þáttarins.
Margir Skagamenn létu Benedikt heyra það á samfélagsmiðlum en hann neitar að biðjast afsökunar. „Nei, ég þarf þess ekkert. Á þessum tímapunkti þá gat Skaginn ekki neitt, þú bentir mér á að þeir ættu góða þrjá leiki eftir í restina. Ég hafði ekki trú á að þeir myndu vinna þá alla, allt hrós á þá. Hvernig Jói Kalli missir aldrei trúna. Hann er alltaf eins,“ sagði Benedikt sem er fæddur og uppalinn frá Mývatni.
Benedikt hefur sterkar teningar við Akranes og segir. „Tengdaforeldrar mínir eiga heima uppi á Skaga, ég er alltaf þarna.“
Þáttinn má sjá í heild hér að neðan.