Mikel Arteta, knattspyrnustjóra Arsenal var brugðið og hann varð sorgmæddur eftir að hafa lesið yfirlýsingu Steve Bruce, fyrrum knattspyrnustjóra Newcastle United eftir að honum var sagt upp störfum.

Í yfirlýsingu Bruce opnar hann sig um aðkast sem hann varð fyrir sem knattspyrnustjóri Newcastle frá stuðningsmönnum félagsins. Þá greindi hann frá því að hann væri ekki viss um hvort að hann tæki að sér annað starf sem knattspyrnustjóri eftir þessa reynslu.

,,Ég varð sorgmæddur eftir að hafa lesið þessa yfirlýsingu frá Bruce. Í fyrsta lagi vegna þess að ég þekki hann persónulega og í öðru lagi vegna þess hvaða skilaboð fólust í orðum hans,“ sagði Arteta á blaðamannafundi í dag.

,,Við erum að tala um mann sem hefur lifað og hrærst í heimi knattspyrnunnar í yfir 40 ár sem leikmaður og þjálfari. Hann hefur stýrt yfir 1000 leikjum sem knatspyrnustjóri og þurft að þola allskyns aðkast,“ sagði Arteta sem vill að hlutirnir breytist.

Hann vill að yfirlýsing Bruce verði tekin alvarlega. ,,Þarna er einn af reyndustu knattspyrnustjórum England að segja okkur frá alvarlegum hlut. Við getum ekki hunsað það, þetta er alvarleg yfirlýsing og það þarf einhvað að breytast,“ sagði Mikel Arteta, knattspyrnustjóri Arsenal á blaðamannafundi í dag.