Brotist var inn á heimili Mario Lemina leikmann Nice og unnustu hans Fanny Neguesha um helgina. Lemina lék áður með Southampton og Fulham á Englandi.
Fanny hefur lengi verið að hrærast í heimi fótboltans en fyrirsætan frá Belgíu var áður í ástarsambandi með Mario Balotelli.
Lemina var staddur í landsliðsverkefni með Gabon þegar að vopnaðir menn réðust inn á heimili hans þar sem hann býr með Fanny sem var heima þegar atvikið átti sér stað.
Mennirnir hótuðu henni og tveimur vinkonum hennar sem voru með henni er innbrotið átti sér stað. Mennirnir bundu konurnar, stálu skartgripum, fötum og öðrum hlutum að virði 300.000 evrum eða því sem jafngildir rúmum 45 milljónum íslenskra króna.