Burnley vann í gær magnaðan 1-0 sigur á útivelli gegn Englandsmeisturum Liverpool. Það sem gerir sigurinn enn sérstakari er sú staðreynd að þetta var fyrsta tap Liverpool á Anfield í ensku úrvalsdeildinni í 1.369 daga.

Síðasta tap Liverpool á heimavelli í ensku úrvalsdeildinni fyrir leikinn í kvöld kom á móti Crystal Palace í apríl árið 2017.

Síðan þá hafði Liverpool leikið 69 leiki á heimavelli í deildinni. Unnið 55 leiki og gert 13 jafntefli, hreint út sagt ótrúleg taplaus hrina leikja sem er nú komin á enda.

Allt var við það að sjóða upp úr í hálfleik þegar Fabinho og Ashley Barnes tókust á, það endaði með því að Fabinho fékk gula spjaldið.

Stjórarnir tveir fóru svo að rífast, Jurgen Klopp varð gjörsamlega brjálaður og las yfir Sean Dyche stjóra Burnley. Ekki hefur komið fram hvað fór þeirra á milli.

Klopp og Dyche ákváðu eftir leik að tjá sig ekki um hvað fór þeirra á milli. „Ef að hann segir ekki neitt þá geri ég það ekki, þetta var ekki neitt;“ sagði Jurgen Klopp að leik loknum.

Rifrildi þeirra má sjá hér að neðan.

Sean dyche was like why don't you come inside and tell me 😂😂.. Klopp would've been beaten on and off the field pic.twitter.com/nwP9bo1Ipo

— Keluo 🇫🇷 (@keluoikeji) January 22, 2021