Það eru taldar meiri líkur á því að Chelsea reki Frank Lampard úr starfi frekar en að Newcastle láti Steve Bruce fara.

Chelsea hefur gengið illa undanfarnar vikur og er staða Lampard sögð í hættu, þessi goðsögn hjá Chelsea er á sínu öðru ári í starfi.

Roman Abramovich lét Lampard fá 200 milljónir punda í leikmannakaup í sumar en árangurinn fylgir ekki með, eigandi Chelsea er ekki þekktur fyrir mikla þolinmæði gagnvart stjórum sínum.

Chelsea tapaði 2-0 gegn Leicester á útivelli í gær, Chelsea byrjaði tímabilið vel en það hefur hallað hressilega undan fæti.

Veðbankar í Englandi telja yfirgnæfandi líkur á því að Lampard sé næstur í röðinni þegar kemur að þeim stjórum sem verða reknir.

Líklegastir til að verða reknir:
Frank Lampard
Steve Bruce
Chris Wilder
Roy Hodgson
Nuno Espirito Santo