fbpx
Þriðjudagur 30.nóvember 2021
433Sport

Hvað gerir Kolbeinn Sigþórsson?

Hörður Snævar Jónsson
Miðvikudaginn 20. janúar 2021 08:37

Kolbeinn Sigþórsson. Mynd/Hanna

Ekki missa af Helstu tíðindum dagsins í pósthólfið þitt

Lesa nánar

Kolbeinn Sigþórsson, markahæsti leikmaður í sögu íslenska landsliðsins er án félags og óvissa ríkir um framtíð hans. Kolbeinn og AIK komust að samkomulagi um að rifta samningi hans við sænska félagið fyrir áramót.

Lítið hefur heyrst síðan þá og óvíst er hvaða skref þessi öflugi framherji tekur á ferli sínum, Kolbeinn er þrítugur og ætti að geta kreist fram nokkur góð ár á ferli sínum. Kolbeinn kom við sögu í 18 leikjum með AIK á síðustu leiktíð en mistókst að skora. Í heildina lék hann 35 deildarleiki fyrir sænska félagið og skoraði í þeim þrjú mörk.

Framherjinn knái hafði fyrir dvöl sína hjá AIK lítið sem ekkert spilað fótbolta í tæp þrjú ár, eftir Evrópumótið í Frakklandi árið 2016 glímdi Kolbeinn við mikið af meiðslum. Hann var síðan settur í frystikistuna hjá Nantes í Frakklandi og fékk ekkert að spila.

Hjá AIK tókst honum ekki að finna sitt besta form, framherjinn sem er alltaf líklegur til þess að skora fyrir íslenska landsliðið átti í vandræðum með að skora í Svíþjóð.

Samkvæmt heimildum 433.is er möguleiki á því að Kolbeinn fari til Tyrklands, lið í næst efstu deild þar í landi hafa sýnt honum áhuga.

Þá hafa lið á Íslandi sýnt því áhuga á að fá Kolbein heim. Þar á meðal uppeldisfélag hans, Víkingur. Það er talið ólíklegt að Kolbeinn hafi áhuga á því að spila hér á landi í bráð.

Íslenska landsliðið leikur þrjá leiki í undankeppni Heimsmeistaramótsins í mars, Kolbeinn þarf að koma sér í lið innan tíðar ætli hann sér að vera hluti af fyrsta hópnum sem Arnar Þór Viðarsson velur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 18 klukkutímum

Stefnir í tæplega sjö mánaða tímabil – Hefja leik á öðrum degi páska

Stefnir í tæplega sjö mánaða tímabil – Hefja leik á öðrum degi páska
433Sport
Fyrir 19 klukkutímum

Fimm leikmenn sem Ralf Rangnick gæti reynt að fá til United í janúar

Fimm leikmenn sem Ralf Rangnick gæti reynt að fá til United í janúar
433Sport
Fyrir 21 klukkutímum

Manchester United staðfestir komu Rangnick

Manchester United staðfestir komu Rangnick
433Sport
Fyrir 21 klukkutímum

Pink bað Cristiano Ronaldo um greiða á samfélagsmiðlum – Hann svarar kallinu

Pink bað Cristiano Ronaldo um greiða á samfélagsmiðlum – Hann svarar kallinu