Stórleikur Liverpool og Manchester United fór fram um helgina en þrátt fyrir ágætis leik var niðurstaðan markalaust jafntefli Mikið var um færi í leiknum en aldrei náði boltinn að rata í netið en markmenn beggja liða vörðu hvern boltann á eftir öðrum.
Í seinni hluta seinni hálfleiks voru Bruno Fernandes og Paul Pogba ekki langt frá því að skora en Alisson markmaður Liverpool varði bæði skot en þau komu af stuttu færi.
Fernandes hefur fengið mikla gagnrýni fyrir frammistöðu sína í stórum leikjum og hann fékk ekki góða dóma fyrir frammistöðu sína um helgina.
Fernandes fékk dauðafæri til að vinna leikinn fyrir United en skotið hans var slakt. Munurinn á framlagi Bruno gegn stóru sex liðunum og þeim sem minni eru er talsverður.
Gegn stóru sex liðunum kemur Bruno að marki á 164 mínútna fresti, gegn hinum 14 liðum deildarinnar kemur Bruno að marki á 70 mínútna fresti.
Tölfræði um þetta er hér að neðan en það var enska götublaðið The Sun sem tók saman.
Enski boltinn á 433 er í boði 
