Nú þegar styttist í brottför Mesut Özil frá Arsenal hefur fjölmiðlamaðurinn Piers Morgan kvatt leikmanninn með harðorðri kveðju á samfélagsmiðlinum Twitter.
Piers Morgan, er ekki þekktur fyrir að liggja á skoðunum sínum og það gerði hann svo sannarlega ekki í innleggi sínu á Twitter í morgun.
„Elskaði Mesut Özil þegar hann kom fyrst til Arsenal. Heimsklassa leikmaður með náttúrulega hæfileika. Ég get ekki beðið eftir því að sjá á eftir þessum lata kúgara með 350.000 pund á viku núna, sóun. Þú hefðir geta orðið goðsögn hjá félaginu – En þú gast ekki látið það varða þig. Bless,“ skrifaði Morgan á Twitter.
Loved @MesutOzil1088 when he first came to Arsenal. World class player with a sublime natural talent. Now I can’t wait to see the back of the lazy manipulative £350,000-a-week wastrel. You could have been a club legend, Mesut – but you just couldn’t be bothered. Bye. pic.twitter.com/6OYFWEY4DT
— Piers Morgan (@piersmorgan) January 16, 2021
Özil hefur ekkert leikið með Arsenal á tímabilinu og hefur verið utan hóps í öllum helstu keppnum sem félagið tekur þátt í. Hann er ekki í áætlunum Mikel Arteta, knattspyrnustjóra félagsins.
Búist er við því að Özil haldi til Tyrklands um helgina þar sem hann mun ganga frá samningum við tyrkneska liðið Fenerbache.
Özil gekk til liðs við Arsenal þann 2. september árið 2013 frá spænska liðinu Real Madrid. Kaupverðið á þeim tíma var um það bil 50 milljónir evra.
Hjá Arsenal hefur hann spilað 254 leiki, skorað 44 mörk og gefið 77 stoðsendingar. Þá varð hann enskur bikarmeistari með liðinu í fjórgang.
Enski boltinn á 433 er í boði 
