David Ornstein einn virtasti blaðamaðurinn á Englandi þegar kemur að málefnum Arsenal segir að Rúnar Alex Rúnarsson geti farið frá Arsenal nú í janúar, ef félaginu tekst að fá inn annan markvörð.

Arsenal leitar nú logandi ljósi að manni sem keppir við Bernd Lendo um stöðuna í markinu, félagið keypti Rúnar ALex í sumar frá Dijon. Félagið hafði hugsað sér að kaupa annan markvörð þá en þeir hlutir gengu ekki upp.

Arsenal er sterklega orðað við nokkra markmenn en Ornstein segir að Arsenal hafi alltaf hugsað Rúnar sem þriðja kost sinn í markið.

Ornstein segir að Rúnar gæti farið frá félaginu, á láni til liðs í næst efstu deild Englands eða í Evrópu. Hann segir að áhuginn sé mikill.

Það staðfestir svo Mikel Arteta í raun á fréttamannafundi. „Við erum að skoða stöðuna og hvað gerist, samtal mitt við Edu í sumar var aðeins öðruvísi en niðurstaðan í lok gluggans. Staðan breyttist fljótt þegar Emiliano Martinez fór,“ sagði Arteta.

Rúnar hefur spilað nokkra leiki með Arsenal en dýrkeypt mistök gegn Manchester City í enska deildarbikarnum hafa vakið mikla umræðu.

Anything on a potential Mat Ryan move, Orny? He’s on the peripheries at Brighton, but is still a good keeper.

— Allan (@AllanRileyy) January 11, 2021

Enski boltinn á 433 er í boði