Ole Gunnar Solskjær stjóri Manchester United getur komið liði sínu á topp ensku úrvalsdeildarinnar með sigri gegn Burnley á morgun. Liverpool sem situr á toppnum í dag tekur svo á móti United á sunnudag.
Tímabilið í ensku úrvalsdeildinni hefur verið örðuvísi en oft áður, öll lið hafa tapað mikið af stigum og stefnir í spennandi toppbaráttu.
Simon Jordan, fyrrum eigandi Crystal Palace hefur litla trú á því að United vinni deildina og telur í raun að Ole Gunnar Solskjær gæti misst starf sitt.
Jordan telur að framherjinn, Anthony Martial muni á endanum kosta Solskjær starfið. „Stuðningsmenn United eru alltaf að segja við mig að ég hafi eitthvað á móti Solskjær,“ sagði Jordan.
„Það er ekkert svoleiðis, ég er bara að segja hlutina eins og þeir eru. Trúir því einhver að þessi leikmaður og þessi hópur vinni eitthvað. Nokkrir leikmenn í United eiga ekkert heima þarna.“
„Anthony Martial mun kosta þig starfið ef þú spilar honum reglulega, hann er ekki nógu góður og gefst of auðveldlega upp.“
Enski boltinn á 433 er í boði 
