Georgina Rodriguez unnusta Cristiano Ronaldo þráir ekkert heitara en að Ronaldo fari á skeljarnar og biðji hana um að giftast sér.
Þetta er meðal þess sem kemur fram í nýjum heimildaþáttum sem Netflix framleiðir nú um Georgina.
Georgina er 27 ára gömul og er frá Argentínu, hún er níu árum yngri en Ronaldo. Saman eiga þau þriggja ára stelpu en Ronaldo á sjálfur þrjú önnur börn.
Í heimildarþáttunum er farið á bak við tjöldin í lífi Georgina og kemur Ronaldo reglulega fyrir. „Ég myndi segja já,“ sagði Georgina sem vill ólm fá hring á sinn fingur.
„Þetta er ekki undir mér komið en það er draumur minn,“ sagði hún einnig. Ronaldo og Georgina fluttu til Manchester í lok ágúst þegar hann samdi við Manchester United.
Stiklu úr þáttunum má sjá hér að neðan.
View this post on Instagram