Heimir Guðjónsson var tekjuhæsti knattspyrnuþjálfari á Íslandi á síðasta ári. Þetta er meðal þess sem kemur fram í tekjublaði DV sem kemur út í fyrramálið.
Heimir þénaði rúmar 1,2 milljónir á mánuði en hann gerði Val að Íslandsmeisturum í knattspyrnu karla. Davíð Þór Viðarsson aðstoðarþjálfair FH þénaði ögn minna en Heimir.
Óskar Hrafn Þorvaldsson sem stýrir Breiðablik var með 1,1 milljón í tekjur á síðasta ári.
Eiður Smári Guðjohnsen sem var stóran hluta síðasta árs þjálfari FH en er í dag aðstoðarlandsliðsþjálfari var með rúmar 319 þúsund krónur í tekjur á síðasta ári.
Þjálfari – Starf – Laun á mánuði:
Heimir Guðjónsson þjálfari Vals 1.247.581 kr
Davíð Þór Viðarsson aðstoðarþjálfari FH 1.211.891 kr
Óskar Hrafn Þorvaldsson þjálfari Breiðabliks 1.100.173 kr
Ólafur Ingi Stígsson annar þjálfari Fylkis 944.053 kr
Ágúst Þór Gylfason þjálfari Gróttu 918.672 kr
Þorvaldur Örlygsson þjálfari Stjörnunnar 798.108 kr
Jóhannes Karl Guðjónsson þjálfari ÍA 795.705 kr
Atli Sveinn Þórarinsson annar þjálfari Fylkis 740.035 kr
Arnar Gunnlaugsson þálfari Víkings 692.711 kr
Sigurður Ragnar Eyjólfsson annar þjálfari Keflavíkur 633.708 kr
Rúnar Kristinsson þjálfari KR 624.014 kr
Brynjar Björn Gunnarsson þjálfari HK 485.370 kr
Arnar Grétarsson þjálfari KA 423.389 kr
Eiður Smári Guðjohnsen aðstoðarlandsliðsþjálfari í knattspyrnu 319.475 kr
Tekjublað DV kemur út í prentútgáfu í fyrramálið, miðvikudaginn 18. ágúst, og verður blaðið fáanlegt í lausasölu í öllum betri verslunum.
Löng hefð er fyrir útgáfu blaðsins sem mun innihalda upplýsingar um tekjur yfir 2.600 Íslendinga á síðasta ári, þar á meðal æðstu ráðamanna þjóðarinnar, stjórnenda fyrirtækja, áhrifamanna í íslenskri stjórnsýslu, þjóðþekktra listamanna og áhrifavalda.