Liverpool-goðsögnin Jamie Carragher segir að stuðningsmenn liðsins verði að stíga varlega til jarðar þegar kemur að væntingum sínum til miðvarðanna Virgil van Dijk og Joe Gomez á næstu leiktíð.
Báðir leikmenn hafa verið lengi frá og hefur það sært vörn Liverpool mikið. Þeir sneru hins vegar til baka í æfingaleik gegn Hertha Berlin á fimmtudag.
,,Ég held að við þurfum að fara mjög varlega, ég held að Jurgen Klopp (stjóri Liverpool) geri það,“ sagði Carragher.
Carragher sagði einnig að stuðningsmenn Liverpool megi ekki búast við því að gengi Liverpool snarbreytist til hins betra aðeins vegna endurkomu van Dijk. Hollendingurinn þykir einn sá besti, ef ekki sá besti, miðvörður heims.
,,Við ættum ekki að búast við því að Virgil Van Dijk komi aftur inn í lið Liverpool og að þeir verði sjálvirkt meistarar í kjölfarið.“