Rúnar Alex Rúnarsson er á leið til Altay Spor í Tyrklandi á láni frá Arsenal. Chris Wheatly, sem sérhæfir sig í málum Arsenal fyrir Football.london greinir frá þessu.
Hinn 26 ára gamli Rúnar kom til Arsenal frá Dijon í Frakklandi fyrir síðustu leiktíð. Hann lék alls sex leiki fyrir félagið í öllum keppnum.
Rúnar byrjaði fremur vel í sínum fyrstu leikjum í Evrópudeildinni. Eftir tvö slæm mistök í deildarbikarleik gegn Manchester City í desember virtust stuðningsmenn þó missa trú á honum.
Altay Spor er nýliði í efstu deild Tyrklands á næstu leiktíð eftir að hafa komist upp úr B-deildinni í vor.
Wheatly greindi einnig frá því að Arsenal ætlaði að bjóða aftur í Aaron Ramsdale hjá Sheffield United. Þá sér félagið hinn unga Arthur Okonkwo sem þriðja markvörð. Því er ekkert pláss fyrir Rúnar.
Alex Runarsson will sign for Turkish side Altay Spor on loan next week.
The Gunners are preparing a third bid for Aaron Ramsdale, and Arthur Okonkwo is being considered as third choice goalkeeper.
Ben White's #AFC move also set to be announced.https://t.co/CfZyWxbWkB
— Chris Wheatley (@ChrisWheatley_) July 25, 2021
Enski boltinn á 433 er í boði 
