Paris Saint-Germain er tilbúið að senda Mauro Icardi, framherja sinn, til Juventus í skiptum fyrir Cristiano Ronaldo. Þetta segir franska blaðið L’Equipe.
Ronaldo er 36 ára gamall og fær rosalega vel borgað hjá Juventus. Ítalska stórveldið gæti íhugað að losa sig við hann til að losa um fjármuni til að styrkja liðið á fleiri stöðum á vellinum.
Portúgalinn er hvergi nærri hættur þrátt fyrir aldur. Hann skoraði 29 mörk í 33 leikjum fyrir Juve í Serie A á síðustu leiktíð.
Icardi var sterklega orðaður við Juventus árið 2019. Þá var hann leikmaður Inter. Það sumar fór þessi 28 ára gamli framherji þó til PSG í staðinn.
Juve er þó enn talið hafa mikinn áhuga á honum. Þeir líta á hann sem leikmann sem gæti spilað í mörg ár hjá félaginu.
