Schlake 04 sem er þekktast fyrir knattspyrnulið sitt hefur nú selt sæti sitt í evrópsku úrvalsdeild tölvuleiksins League of Legends. Lið BDS kaupir sætið af Schalke, um stórtíðindi er að ræða.
Upphæðin sem um ræðir eru tæpir 4 milljarðar íslenskra króna en Riot Games sem á tölvuleikinn ákvað hvaða lið gæti keypt sæti Schlake 04. Tölvuleikurinn er vinsæll út um allan heim og kaupverðið á sæti í deild þeirra bestu segir alla söguna.
Lið Schlake er í 7 til 9 sæti úrvalsdeildarinnar eins og sakir standa en liðið klárar tímabilið áður en BDS tekur sætið. Viðræður hafa staðið yfir í fleiri mánuði.
Forráðamenn Schalke tóku ákvörðun um að selja sætið eftir að liðið féll úr þýsku úrvalsdeildinni í knattspyrnu, fjármunirnir koma sér vel til að koma liðinu aftur í hóp þeirra bestu.
Knattspyrnuliðið hefur barist við fjárhagserfiðleika undanfarið en milljarðarnir fjórir koma sér vel. Guðlaugur Victor Pálsson gekk í raðir Schalke á dögunum en félagið keypti hann frá Darmstad þar í landi. Tölvustrákarnir sjá til þess að hann fær laun sín í vetur og gott betur en það.