Tveimur leikjum lauk nýlega í 8. umferð Pepsi Max deildar karla.
Fyrsti sigur Stjörnunnar kom gegn Val
Stjarnan tók á móti Val á Samsung-vellinum í Garðabæ. Heimamenn unnu óvæntan sigur.
Rasmus Christiansen kom Val yfir á 27. mínútu. Hann kom boltanum þá í netið eftir klafs í teignum. Staðan í hálfleik var 0-1.
Stjarnan sneri leiknum við á stuttum kafla í upphafi seinni hálfleiks. Fyrst skoraði Hilmar Árni Halldórsson. Svo kom Heiðar Ægison heimamönnum yfir eftir flottan undirbúning Tristans Freys Ingólfsson. Lokatölur urðu 2-1.
Stjarnan lyftir sér upp í tíunda sæti með sigri. Þeir eru með 5 stig eftir átta leiki. Valur er í öðru sæti með 17 stig. Þeir misstu toppsætið vegna úrslita kvöldsins.
Nikolaj aðalmaðurinn í sigri Víkinga
Víkingur Reykjavík fór á toppinn eftir góðan sigur á FH á heimavelli.
Nikolaj Hansen kom þeim yfir á 28. mínútu. Staðan í hálfleik var 1-0.
Framherjinn bætti svo við öðru marki til að gulltryggja sigurinn í lok leiks.
Víkingar eru enn taplausir í deildinni. Þeir eru nú á toppnum með 18 stig, stigi meira en Valur. FH er í sjötta sæti með 10 stig.