Sky Sports segir að viðræður Manchester United við Borussia Dortmund séu að þróast í rétta átt, segir að allir aðilar séu vongóðir um að samningur náist.
United lagði í vikunni fram tilboð en það er talsvert frá þeirri upphæð sem Dortmund vill. United bauð 60 milljónir punda en því er haldið fram að Dortmund vilji fá nálægt 80 milljónum punda og þarf United því að setjast við samningaborðið með Dortmund.
Greint er frá því að United hafi náð samkomulagi við Sancho sjálfan um kaup og kjör til ársins 2026.
Sancho er 21 árs enskur kantmaður en United hefur haft áhuga á honum um langt skeið, félagið hafði áhuga síðasta sumar en þá vildi Dortmund 110 milljónir punda.
Samningur Sancho við Dortmund rennur út eftir tvö ár og hefur félagið gert samkomulag um að hann verði seldur í sumar, komi viðunandi tilboð.
Sancho er á leið á Evrópumótið með Englandi og því ólíklegt að United geti gengið frá kaupum á honum fyrr en eftir mótið.
🚨 BREAKING🚨
There remains a gap in valuation between Manchester United and Borussia Dortmund for Jadon Sancho, but talks are said to be 'moving in the right direction' and all parties are more optimistic of getting a deal done this summer compared to last year pic.twitter.com/7fRUMO11V0
— Football Daily (@footballdaily) June 10, 2021
Enski boltinn á 433 er í boði 
