Tveir leikir fóru fram í 8-liða úrslitum Meistaradeildar Evrópu í kvöld.
Á Anfield í Liverpool tóku heimamenn á móti Real Madrid. Fyrri leikur liðanna endaði með 3-1 sigri Real Madird og því þurfti Liverpool að vinna upp gott forskot í leiknum í kvöld.
Leikur kvöldsins endaði með markalausu jafntefli og því er Liverpool úr leik með samanlögðu 3-1 tapi.
Á Signal Iduna Park í Þýskalandi tók Dortmund á móti Manchester City. Fyrri leik liðanna lauk með 2-1 sigri Manchester City.
Jude Bellingham kom Dortmund yfir með marki á 15. mínútu. Riyad Mahrez jafnaði leikinn fyrir Manchester City með marki úr vítaspyrnu á 55. mínútu og það var síðan Phil Foden sem tryggði City 2-1 sigur með marki á 75. mínútu.
Manchester City fer því áfram með samanlögðum 4-2 sigri úr einvíginu.
Manchester City mætir PSG í undanúrslitum og Real Madrid mætir Chelsea.
