Því er haldið fram að varnarmenn sem Liverpool hefur áhuga á vilji hreinlega ekki ganga í raðir félagisns, ástæðan er ótti við bekkjarsetu þegar fram líða stundir.

Jurgen Klopp myndi glaður vilja fá inn miðvörð í hóp sinn vegna meiðsla hjá Viril van Dijk og Joe Gomez, þá er Joel Matip sjaldan heill heilsu.

Fabrizio Romano sérfræðingur þegar kemur að félagaskiptum segir þetta vera erfiða stöðu fyrir Klopp.

„Það er fjöldinn af leikmönnum sem vill ekki koma og spila örfáa leiki áður en aðalmennirnir snúa aftur úr meiðslum. Þá eru þeir bara mættir á bekkinn til frambúðar. Þeir vilja það ekki,“ segir Romano um málefni Liverpool.

Romano segir að Liverpool sé að skoða þann möguleika að klára tímabilið með sama hóp.

„Liverpool er alveg að skoða þann möguleika að klára tímabilið bara á þessu liði, þeir eru samt klárir að stökkva til ef tækifæri er til. Annar mun Klopp halda sig við núverandi hóp.“

Enski boltinn á 433 er í boði