Starfsmaður á Hótel Sögu er borinn þungum sökum í enskum blöðum í dag, hann er sagður hafa tekið við greiðslu frá Phil Foden og Mason Greenwood síðasta sunnudag. Hótel-starfsmaðurinn er sagður hafa hjálpað ensku landsliðsmönnunum við að brjóta reglur um sóttvarnir þegar þeir hittu tvær íslenskar stúlkur. Enska landsliðið dvaldi á hótelinu á meðan liðið var á Íslandi og smygluðu teimur stúlkum inn eins og frægt er orðið.
,,Drengirnir borguðu hótelstarfsmanni til að lauma stúlkunum inn á hótelið þrátt fyrir strangar sóttvarnarreglur,“ segir í frétt Daily Mail. The Sun hefur sömu sögu að segja.
Í fréttinni kemur fram að um talsverða upphæð hafi verið að ræða sem Foden og Greenwood létu af hendi til þess að að hitta íslensku stúlkurnar.
Myndband af heimsókn kvennanna til landsliðsmannanna barst DV í fyrradag sem greindi fyrst allra miðla frá því að ensku landsliðsmennirnir hefðu brotið íslenskar sóttvarnarreglur þegar Foden og Grenwood buðu stelpunum á hótel sitt. Málið hefur vakið heimsathygli. Öll stærstu blöð Englands hafa fjallað um málið og drengirnir fá það óþvegið fyrir heimskupör sín.
Íslensku stúlkurnar Lára Clausen og Nadía Sif Líndal tvær hafa mátt þola nokkuð af drusluskömm eftir atvikið en fleiri og fleiri taka upp hanskann fyrir þær enda brutu þær engar sóttvarnarreglur.
