Chris Smalling hefur grátbeðið Manchester United um að taka komandi tilboði frá Roma í sig, honum langar að halda aftur til Ítalíu.

Smalling var á láni hjá Roma á síðustu leiktíð og stóð sig með prýði. „Við erum að vinna í því að fá Smalling aftur,“ sagði Paulo Fonsesca stjóri Roma á dögunum. „Ég hef rætt við hann og talaði við hann í gær. Hann vill vera hérna, hann gæti komið á næstu dögum.“

Roma bauð fyrst 11 milljónir punda en United ætlar ekki að hlusta á tilboð undir 18 milljónum punda. Roma undirbýr því næsta boð sitt.

„Þessa stundina hafa ekki komið tilboð sem eru nálægt því sem við viljum,“ sagði Ole Gunnar Solskjær stjóri Manchester United í gær.

Smalling fær ekki að æfa með aðalliði United, þess í stað eru hann og Marcos Rojo sem báðir eru til sölu að æfa einir á æfingasævði félagsins. United vonast til þess að selja nokkra leikmenn á næstu dögum til að skapa fjármuni í leikmannakaup.

Enski boltinn á 433 er í boði