Ísak Bergmann Jóhannesson leikmaður Norrköping í Svíþjóð hefur vakið verðskuldaða athygli fyrir frammistöðu sína með liðinu. Ísak, sem er aðeins 17 ára, hefur leikið með Norrköping frá 15 ára aldri.
Ísak hefur vakið athygli stærri liða í Hollandi. Guðmundur Benediktsson íþróttafréttamaður vakti athygli á því á Twitter að Feyenoord, sem leikur í efstu deild í Hollandi, hefur áhuga á Skagamanninum unga.
Á dögunum var rætt um að stórlið Juventus hefði áhuga á því að fá Ísak í sínar raðir. Þessi ungi leikmaður lék sinn fyrsta U21 landsleik á dögunum.
Það sem Gummi Ben vekur helst athygli á er kaupverðið sem Feyenoord gerir ráð fyrir að borga fyrir Ísak. Ein milljón evra telst heldur lágt verð í knattspyrnuheiminum fyrir einn efnilegasta leikmann Norðurlanda.
Þrátt fyrir ungan aldur spilar Ísak með aðalliði Norrköping. Hann hefur spilað 13 deildarleiki á tímabilinu og skorað í þeim tvö mörk.
„Hollendingar halda að Ísak sé á leið til Feyenoord fyrir 1m.evra og æfi bara með varaliðinu fyrst um sinn.,“ skrifar Guðmundur á Twitter.
🙈🙈 Hollendingar halda að Ísak sé á leið til Feyenoord fyrir 1m.evra og æfi bara með varaliðinu fyrst um sinn. https://t.co/CMupzigQWX
— Gummi Ben (@GummiBen) September 24, 2020