Þjálfari West Ham, David Moyes hefur verið greindur með kórónaveiruna. Sky sports greinir frá. Moyes er ekki sá eini í West Ham sem er greindur jákvæður. Leikmennirnir Issa Diop og Josh Cullen greindust einnig jákvæðir.
Niðurstöðurnar voru ljósar stuttu áður en leikur þeirra við Hull í enska deildarbikarnum hófst fyrr í kvöld. Bæði Diop og Cullen voru skráðir í byrjunarlið West Ham áður en niðurstöðurnar lágu fyrir.
Leikmennirnir tveir og Moyes voru mættir á völlinn þegar fréttirnar bárust. Þeir yfirgáfu svæðið undir eins.
Leikurinn er í gangi og er staðan í hálfleik 2-0 West Ham í vil. Þeir Robert Snodgrass og Sébastien Haller skoruðu mörkin.