Arsenal hefur staðfest kaup sín á íslenska landsliðsmanninum Rúnari Alexi Rúnarssyni frá Dijon. Eins og 433.is sagði frá í dag hafði Rúnar skrifað undir samning.
Arsenal staðfestir að Rúnar muni leika í treyju númer 13. „Við erum ánægðir með að fá Alex í okkar hóp, við höfum fylgst með honum um nokkurt skeið. Hann hefur mikið af þeim hæfileikum sem við viljum sjá í markmanni og persónu,“ sagði Edu yfirmaður knattspyrnumála hjá Arsenal.
Mikel Arteta fagnar komu Rúnars. „Við viljum búa til samkeppni og fögnum því að sjá Alex búa til meiri samkeppni.“
Samkvæmt heimildum 433.is er samningur Rúnars fyrst til fjögurra ára en með möguleikann á fimmta árinu.
Arsenal greiðir Dijon í Frakklandi um 260 milljónir íslenskra króna fyrir Rúnar Alex sem er 25 ára gamall.
Rúnar fer í hóp góðra Íslendinga sem Arsenal hefur haft í sínum röðum, fyrst var það Albert Guðmundsson og síðan fylgdi Sigurður Jónsson í kjölfarið. Ólafur Ingi Skúlason var í nokkur ár hjá Arsenal og þá voru Valur Fannar Gíslason og Stefán Gíslason í herbúðum félagsins ungir að árum.
Félagaskiptin hafa legið í loftinu síðustu daga en Rúnar kom til Lundúna um helgina til þess að ganga frá öllu. Fyrsti leikur hans gæti komið í vikunni þegar Arsenal mætir Leicester í enska deildarbikarnum
Rúnar flaug í gegnum læknisskoðun fyrir helgi og nú er búið að klára allt,