Brighton fékk víti á fyrstu mínútum leiksins eftir að Allan Saint-Maximin, leikmaður Newcastle, braut af sér í teignum. Neal Maupay fór á punktinn og skoraði úr vítinu. Maupay var síðan ekki lengi að bæta við öðru marki sínu en það gerði hann einungis þremur mínútum eftir að hann skoraði úr vítinu. Staðan var 0-2 í leiknum alveg fram á lokamínúturnar en þá náði Aaron Connolly að skora þriðja markið fyrir Brighton eftir stoðsendingu frá Maupay.
Lokaniðurstaðan því 0-3 sigur Brighton.