Victor Ezeji fyrrum landsliðsmaður Nígeríu er ekki alls kosta sáttur með Ole Gunnar Solskjær og hvernig hann notar framherjann Odion Ighalo.
Ighalo kom til United á láni í janúar en snýr líklega aftur til Shanghai Shenhua í janúar þegar samningurinn er á enda. Framherjinn fékk reglulega að spila undir stjórn Solskjær en iðulega í minni leikjum eða sem varamaður.
„Allir leikmenn trúa á sitt lið en COVID hjálpaði ekki Ighalo því Rashford hefði ekkert spilað ef COVID hefði ekki komið upp,“ sagði Ezeji.
„Ole trúir á Rashford og þegar hann kom til baka þá varð Ole að spila honum. Ég verð samt að skamma Solskjær fyrir að nota ekki Ighalo þegar sóknarlína hans var ekki í stuði.“
,,Hann hefði átt að nota Ighalo meira. Ég var svekktur að sjá United framlengja dvöl hans og nota hann svo lítið sem ekkert. Ighalo missir allt sitt sjálfstraust sem hann hafði byggt upp.“
Enski boltinn á 433 er í boði 
