Stuðningsmenn Real Madrid hafa lengi pirrað sig á því að Gareth Bale launahæsti leikmaður félagsins elskar að spila golf. Oft hefur því verið haldið fram að Bale vilji fremur vera í golfi en í fótbolta.
Bale er væntanlegur til London í dag og mun ganga í raðir Tottenham á láni frá Real Madrid en hann ætlar að skella sér strax í golf.
Bale á bókaðan rástíma síðar í dag á Hadley Wood golfvellinum en með í för verður Daniel Levy stjórnarformaður Tottenham og Steve Hitchin sem sér um leikmannakaup félagsins.
Þeir félagar geta rætt um lífið og veturinn sem framundan er í herbúðum Tottenham en Bale yfirgaf TOttenham árið 2013.
Hér að neðan má sjá rástímann sem þeir félagar eiga.