Hallgrímur Mar Steingrímsson kom KA-mönnum yfir þegar aðeins tvær mínútur voru liðnar af leiknum. Þegar 33 mínútur voru liðnar af leiknum skoraði KA annað mark og var það Ásgeir Sigurgeirsson sem gerði það. Þrátt fyrir tilraunir Fylkis í seinni hálfleik náði liðið ekki að skora og endaði leikurinn með 2-0 sigri heimamanna á Akureyri. Þæginleg úrslit fyrir KA-menn sem eru nú komnir 8 stigum frá fallsæti.
Þegar um hálftími var liðinn af leik FH og Blika náði Steven Lennon að skora fyrsta mark leiksins. Skömmu síðar náði þó Viktor Karl Einarsson að jafna metin fyrir Breiðablik og var staðan jöfn í hálfleik. Í seinni hálfleik náði FH þó forystunni aftur með öðru marki frá Steven Lennon. Atli Guðnason innsiglaði sigurinn fyrir FH með marki í uppbótartíma. Lokaniðurstaðan því 3-1 fyrir FH sem er komið upp í fjórða sæti deildarinnar, 5 stigum frá toppliði Vals.