Samningurinn sem Aké skrifaði undir er til 5 ára en Aké á nóg eftir enda er hann aðeins 25 ára gamall. Aké fór í læknaskoðun hjá Manchester City í síðustu viku og samþykkti liðið þá að greiða milljónirnar til Bournemouth, sem féll úr úrvalsdeildinni á leiktíðinni.
„Manchester City hefur verið besta lið Englands síðasta áratuginn. Það að koma hingað er eins og draumur fyrir mig. Þetta er frábært lið, fullt af heimsklassa leikmönnum,“ sagði Aké í samtali við heimasíðu Manchester City.
Þá hrósar Aké einnig þjálfara liðsins, Pep Guardiola. „Hann er þjálfari sem er dáður um allan heim, árangurinn hans er ótrúlegur og leikstíllinn hans höfðar virkilega til mín. Ég veit að ég þarf að vinna vel til þess að komast í liðið hans en það er þess vegna sem ég er kominn hingað.“