Það gæti farið svo að Jordyn Huitema, kærasta Alphonso Davies sem leikur með Bayern Munchen, muni ekki halda með kærastanum sínum þegar hann keppir í úrslitum Meistaradeildarinnar gegn PSG á sunnudaginn. The Sun greinir frá þessu.

Ástæðan fyrir þessu er að Huitema er knattspyrnukona en hún leikur einmitt með kvennaliði PSG. Það er því ljóst að Huitema þarf að taka erfiða ákvörðun um hvort hún eigi að halda með sínu liði eða kærastanum.

Huitema og Davies hafa verið í sambandi í rúmlega þrjú ár en þau byrjuðu saman þegar þau voru 16 ára gömul. Þau spiluðu bæði með Vancouver Whitecaps í Kanada áður en þau fóru að spila í Evrópu.

Huitema og Davies eiga bæði möguleika á að vinna Meistaradeildina en kvennalið PSG er komið í 8-liða úrslitin í Meistaradeild kvennaliða. Kvennalið PSG hefur tvisvar komist í úrslit Meistaradeild kvenna undanfarið en tapað í bæði skiptin, árið 2015 gegn Frankfurt og árið 2017 gegn Lyon.