Andreas Pereira, leikmaður Manchester United, svaraði aðdáanda United á Instagram síðu sinni í gær.
Pereira er eki í miklu uppáhaldi hjá stuðningsmönnum United og fær reglulega að heyra gagnrýni.
Brassinn hefur spilað 36 leiki á tímabilinu en hefur aðeins skorað tvö mörk og lagt upp þrjú.
Pereira skrifaði færslu á Instagram þar sem hann kvartaði yfir tölvuleiknum Call of Duty: Warzone.
,,Netþjónarnir standa sig örugglega jafn vel og þú á vellinum,“ skrifaði stuðningsmaður United við færsluna.
Pereira lét þetta ekki vera og ákvað að svara manninum: ,,Það er öllum sama hvað þú skrifar.’
Annar bætti við: ,,Þú ert of hávær fyrir leikmann sem spilar átta mismunandi stöður og býður ekki upp á neitt.“
Pereira var aftur í ham og svaraði: ,,Það er öllum sama um þig líka. Ég hristi hausinn. Vona að þetta hjálpi.“
Vonandi hefur miðjumaðurinn jafnað sig en það er yfirleitt ekki ákjósanlegt að svara reiðum aðdáendum á samskiptamiðlum.
Enski boltinn á 433 er í boði 
