Blaðamaðurinn Adrian Durham er ekki ánægður með íslenska landsliðsmanninn Gylfa Þór Sigurðsson.
Gylfi hefur verið gagnrýndur á þessu tímabili en hann hefur ekki verið iðinn við kolann eins og oft áður.
Durham bendir á verðmiða Gylfa sem kostaði 45 milljónir punda og spyr hver afsökunin hans sé fyrir spilamennskunni.
,,Hann byrjaði með þrjá á miðjunni, Sigurðsson, Gomez og Davies,“ sagði Durham á TalkSport eftir leik Everton við Tottenham sem tapaðist 1-0.
,,Það var engin barátta til staðar, þeir unnu enga bolta, þeir sköpuðu ekkert. Gomes hefur verið meiddur, Davies er enn að bíða og Gordon lítur vel út.“
,,Ég væri til í að vita afsökun Gylfa? Ég horfi á leikmann, þegar hann kom fyrir þremur árum fyrir 45 milljónir punda, ég sé hann ekki borga það til baka.“
,,Hann hefur byrjað 25 leiki, skorað tvö mörk og lagt upp tvö. Miðað við verðið þá býst maður við miklu meira.“