„Þetta er sennilega besta frammistaða okkar í deildinni í sumar. Þetta er besti völlurinn á landinu, gaman að koma hingað og sýna úr hverju við erum gerðir,“ sagði Ágúst í viðtali eftir leikinn í þættinum Pepsi Max tilþrifin en Vísir greinir frá málinu. „Svekkelsið er að þegar þú sýnir góða frammistöðu að fá ekki neitt út úr henni. Ég var brjálaður inni í klefa, menn voru sáttir með frammistöðuna en ég er ósáttur að fá ekkert út úr þessu.“
Þegar Ágúst er spurður hvort Grótta ætli að reyna að styrkja liðið í félagaskiptaglugganum segir hann að það sé eins og enginn vilji koma til Gróttu á Seltjarnarnesið „Það er okkar hausverkur og við erum með okkar stráka í þessu og byggjum á því.“ Þá segir hann að Grótta hafi reynt að fá til sín menn en það hafi ekki virkað. „Við höfum reynt ýmislegt síðan í janúar og fengið einn eða tvo leikmenn eftir það. Það er eins og Grótta sé eitthvað að fæla frá. Það er frábær aðstoða, gott þjálfarateymi og aðstaðan gríðarlega flott. Ég skil ekki alveg þessa hræðslu að koma í Gróttu“