fbpx
Mánudagur 25.janúar 2021
433Sport

Afar umdeilt atvik á Akureyri: „Alveg með ólíkindum og eiginlega ófyrirgefanleg ákvörðun“

Máni Snær Þorláksson
Mánudaginn 27. júlí 2020 10:59

Skjáskot úr kvöldfréttum Stöðvar 2

Ekki missa af Helstu tíðindum dagsins í pósthólfið þitt

Lesa nánar

KA og KR áttust við í gær og endaði leikurinn með markalausu jafntefli. KA náði þó að skora í leiknum en Ívar Orri Kristjánsson, dómari leiksins, dæmdi markið af og hefur ákvörðunin verið gríðarlega umdeild í netheimum eftir leikinn.

Beitir Ólafsson, markvörður KR-inga, sagði í viðtali eftir leikinn að hann vissi ekki á hvað hafi verið dæmt. „Kiddi (Kristinn Jónsson) fékk engin skilaboð um hvað hann ætti að gera og leggur boltann til baka á mig. Hann boppar aðeins illa og ég hitti hann illa,“ segir Beitir í viðtalinu. „Í augnablikinu á eftir þegar ég er að fara að reyna að verja frá Guðmundi Stein rekst ég í KA-mann held ég. Ég hleyp á hann eða hann hleypur á mig og það getur vel verið að hann hafi dæmt brot á það. Ég veit það ekki.“

„Það var talað um í frábærum podcast þætti Doc fyrir dálitlu síðan að sumir dómarar kunni ekki reglurnar. Ekki mun sú umræða minnka eftir atvikið á Akureyri,“ segir fjölmiðlamaðurinn Ríkharð Guðnason, einnig þekktur sem Rikki G, á Twitter síðu sinni í gær. „Alveg með ólíkindum og eiginlega ófyrirgefanleg slík ákvörðun. Rangstaða dæmd þegar markvörður kixar boltann.“

Ásgeir nokkur svarar Rikka og segir honum að skoða atvikið aðeins nánar. „Mögulega besti dómur sumarsins,“ segir Ásgeir. Rikki svarar Ásgeiri þá og segir markvörð KR-inga hafa verið í engu jafnvægi. „Þó þeir rekist saman er það ekki Ásgeiri að kenna frekar en Beiti. Beitir vissi ekki einu sjálfur hvað var dæmt á. Í mínum bókum alltaf mark.“

Birkir Örn Pétursson, stuðningsmaður KA, bendir á að Ívar hafi einnig dæmt leik FH og KA sem fór fram í síðustu umferð. Í upphafi síðari hálfleiks þess leiks kom Guðmundur Steinn boltanum í netið en Ívar dæmdi markið ógilt vegna brots á Gunnari Nielsen markmanni FH í aðdragandanum. „Við KA menn erum ekki aðdáendur hans Ívars þessa stundina!“ segir Birkir.

Þóroddur Hjaltalín, formaður dómaranefndar KSÍ, segir í samtali við Fótbolti.net að þegar horft er á atvikið í endursýningu sjáist að um réttan dóm sé að ræða „Ásgeir er í rangstöðu og hefur áhrif á Beiti með því að fara í hann. Með því að fara í Beiti þá truflar það hann. Þannig að þetta er hárrétt ákvörðun. Rangstaða,“ sagði Þóroddur.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Enski bikarinn: Jóhann Berg spilaði allan leikinn er Burnley komst áfram – Leicester vann Brentford

Enski bikarinn: Jóhann Berg spilaði allan leikinn er Burnley komst áfram – Leicester vann Brentford
433Sport
Fyrir 16 klukkutímum

Enski bikarinn: Byrjunarliðin er Manchester United tekur á móti Liverpool

Enski bikarinn: Byrjunarliðin er Manchester United tekur á móti Liverpool
433Sport
Fyrir 18 klukkutímum

Enski bikarinn: Tammy Abraham skoraði þrennu í öruggum sigri Chelsea

Enski bikarinn: Tammy Abraham skoraði þrennu í öruggum sigri Chelsea
433Sport
Fyrir 19 klukkutímum

Segir eftirspurn eftir Klopp í Þýskalandi – „Þjóðverjar kalla hann King Klopp“

Segir eftirspurn eftir Klopp í Þýskalandi – „Þjóðverjar kalla hann King Klopp“
433Sport
Í gær

Leikmaður Arsenal virðist hafa sent knattspyrnustjóra liðsins skýr skilaboð eftir leik

Leikmaður Arsenal virðist hafa sent knattspyrnustjóra liðsins skýr skilaboð eftir leik
433Sport
Í gær

Sjáðu markið: Elías Már á skotskónum fyrir Excelsior – Búinn að skora 18 mörk í deildinni

Sjáðu markið: Elías Már á skotskónum fyrir Excelsior – Búinn að skora 18 mörk í deildinni