Ragnar Sigurðsson, varnarmaðurinn knái er að öllum líkindum að yfirgefa stórliðið FCK eftir stutt stopp í Kaupamannahöfn.

Danksir miðlar segja frá því en samningur Ragnars rennur út á næstu vikum, hann gekk í raðir FCK í upphafi árs.

Ragnar sem er 33 ára gamall kom til FCK frá Rostov í Rússlandi en hann hefur verið einn besti landsliðsmaður Íslands til fjölda ára.

Ragnar hefur ekki spilað með FCK eftir að deildin fór aftur af stað eftir pásuna sem var vegna kórónuveirunnar.

Sérfræðingar Eurosport í danska fótboltanum segja Ragnar ekki eiga framtíð hjá FCK.