Svört staða er í Vesturbæ ef marka má Kristján Óla Sigurðsson sérfræðing Dr. Football en þetta kom fram í þætti dagsins. Kristján Óli sagði að KR hefði ekki getað borgað laun frá því í mars.
Kristján kveðst vera með samskipti leikmanns við stjórn knattspyrnudeildar KR þar sem hann er beðinn um að afskrifa laun sín um nokkurt skeið. „Við höfum stungið á þessu, ég hef kafað dýpra og fengið meira upp. Þetta kom í kjölfarið að KR hafa leitað um allan bæ að miðverði. Þá vantar miðvörð en menn fá ekki borgað. Núverandi leikmenn, það fer ekkert sérstaklega vel í þá þegar það á eftir að borga launin,“ sagði Kristján Óli í þætti dagsins.
Kristján segir stöðuna ekki góða í Vesturbænum. „Frá 15 mars hefur ekkert verið greitt. Menn beðnir um að afskrifa, ég er með skjáskot af tölvupósti til leikmanns.“
Enn ein skýrslan frá Höfðingjanum. Læt mynd fylgja.https://t.co/YdpiTk8SBi pic.twitter.com/WuEMf7jFH4
— Kristján Óli Sigurðsson (@kristjanoli) June 26, 2020
Ekki náðist í Pál Kristjánsson formann knattspyrnudeildar KR við vinnslu fréttarinnar.
Kristján segir að í pósti stjórnar komi fram að leikmaðurinn gefi eftir laun þangað til fyrsti tekjuberandi heimaleikurinn fer fram. „Þar er verið að biðja menn um að afskrifa laun og orðrétt stendur að samþykkja að enginn laun verði greidd út fyrr en mánaðamótin eftir að fyrsti tekjuberandi heimaleikurinn hefur farið fram.“
Mörg félög eru í fjárhagsvandræðum þessa dagana en kórónuveiran og fleira hefur haft þar áhrif.
Fram kemur í máli Hjörvars Hafliðasonar að KR hafi fundað Martin Rauschenberg varnarmanni Stjörnunnar en hann á einnig að hafa fundað með FH.
