Á nýjan leik eru komnar fram ásakanir þess efnis að stjórnarmenn FIFA hafi tekið við mútum, svo að Heimsmeistaramótin árið 2018 og 2022 færu fram í Rússlandi og Katar.

Þetta segja gögn sem liggja yfrir dómstólum í Bandaríkjunum, þar segir að Jack Warner frá Trínidad og Tóbagó hafi verið einn af mörgum sem hafi fengið boð um að taka við mútum. Til að tryggja að mótin færu fram á þessum stöðum.

Í gögnunum segir að Warner hafi tekið við greiðslum upp á 5 milljónir dollara en hann var háttsettur í störfum FIFA, þessa greiðslu fékk hann fyrir að styðja Rússland.

Warner fékk tíu greiðslu frá félögum í skattaskjólum, skömmu áður en aðildarfélög FIFA völdu hvar ætti að halda mótin.

Í gögnunum kemur fram að eitt fyrirtækið sem hafi greitt inn á reikning Warner, hafi verið fyrirtæki sem aðstoðaði framboð Rússlands. Í gögnunum kemur fram að fleiri stjórnarmenn FIFA hafi tekið við greiðslum.